«Չի՛ կարելի». Միխայիլ Միշուստինին արգելել են մագնիսառեզոնանսային շերտագրության սենյակ մտնել (տեսանյութ)

10:36 • 13.08.20

Ռուսաստանի Դաշնության վարչապետ Միխայիլ Միշուստինին Չուկոտկայի ինքնավար շրջանի հիվանդանոցներից մեկը կատարած այցի ժամանակ արգելել են մագնիսառեզոնանսային շերտագրության սենյակ մտնել․ կատարվածի տեսագրությունը հրապարակվել է RIA_Kremlinpool թելեգրամյան ալիքում։

Տեսանյութի կադրերում երևում է, թե ինչպես է վարչապետը լրագրողների ուղեկցությամբ ցանկանում մտնել սենյակ, սակայն դռան մոտ նրան կանգնեցնում են և հետևից բարձր ձայնով հայտնում, որ չի կարելի սարքերով ներս մտնել։

«Չի՛ կարելի, չի՛ կարելի, մի՛ մտեք սարքավորումներով»,- ասում են նրան:

«Ահա, պրոֆեսիոնալներ, միանգամից երևում է»,- ի պատասխան ասել է Միշուստինը։

Հայտնի է, որ Միշուստինը Ռուսաստանի Հեռավոր Արևելք է ժամանել աշխատանքային այցի շրջանակում։

Տեսանյութը՝ այստեղ։