Ինդոնեզական ավիաընկերության աշխատակիցներն անօրինական կերպով օդանավ բարձրացած տղամարդուն նետել են ասֆալտին ու քարշ տալով հեռացրել (տեսանյութ)
Ինդոնեզական Citilink ավիաընկերության աշխատակիցներն անօրինական կերպով օդանավ բարձրացած և իրեն վատ դրսևորած տղամարդուն ուժի կիրառմամբ հեռացրել են սրահից․ համապատասխան տեսանյութը հրապարակվել է Twitter սոցկայքի Breaking Aviation News & Videos օգտահաշվում։
Տեսանյութի կադրերում երևում է, թե ինչպես են ենթադրաբար անձնակազմի անդամները ոստիկանության հետ միասին տղամարդուն բառացիորեն դուրս շպրտում կանգնած ինքնաթիռից․ սկզբում նրան նետում են ասֆալտին, այնուհետև ձեռքերից և ոտքերից բռնած քարշ տալով հեռացնում։
Տեղական լրատվամիջոցների տեղեկությունների համաձայն՝ դեպքը տեղի է ունեցել Բանդար Լամպունգ քաղաքի Ռադեն Ինթան 2 օդանավակայանում։
Man is removed from a Citilink ATR after illegally entering the aircraft at Raden Intan II Airport in Indonesia. https://t.co/9aYW3U73UM pic.twitter.com/yVn4OD7hJn
— Breaking Aviation News & Videos (@breakingavnews) August 12, 2020










