Մեքսիկային պետք կգա կորոնավիրուսի դեմ պատվաստանյութի 200 միլիոն չափաբաժին, 120 միլիոնանոց բնակչության պատվաստումը կարող է մեկնարկել արդեն ապրիլին. Reuters
Մեքսիկային անհրաժեշտ կլինի կորոնավիրուսի դեմ պատվաստանյութի 200 միլիոն չափաբաժին, իսկ 120 միլիոնանոց բնակչության պատվաստումը կարող է մեկնարկել արդեն ապրիլին, եթե AstraZeneca Plc դեղագործական ընկերության համար կլինիկական փորձարկումներն ու նորմատիվ լուծումներն անցնեն նախատեսվածի համաձայն: Այս մասին Reuters գործակությունն է հայտնում ՝ հղում տալով մեքսիկացի բարձրաստիճան պետպաշտոնյայի:
Մեքսիկայի և Արգենտինայի կառավարությունների հետ համագործակցությամբ AstraZeneca-ն նախատեսում է 2021-ի սկզբին ստեղծել 150 միլիոն չափաբաժին պատվաստանյութ, իսկ արդյունքում ամբողջ Լատինական Ամերիկայի համար արտադրել ոչ քիչ, քան 400 միլիոն դոզա:
Մեքսիկայի ԱԳՆ ղեկավարի տեղակալ Մարտա Դելգադոն գործակալությանը հայտնել է, որ ընկերությունը կկարողանա ամսական պատվաստանյութի 30-ից 35 հազար չափաբաժին արտադրել:
Իր խոսքով՝ արդյունավետության համար միգուցե պահանջվի պատվաստանյութի 2 դոզա:










