Անթալիայի քաղաքապետը կորոնավիրուսով է վարակվել

12:22 • 17.08.20

Թուրքական Անթալիայի քաղաքապետ Մուհիթթին Բեջեկը նոր տեսակի կորոնավիրուսով է վարակվել, այս մասին քաղաքապետը հայտնել է թվիթերյան իր օգտահաշվում, գրում է gazeta.ru կայքը։

Հայտնի է, որ այժմ Բեջեկը մեկուսացվել է հիվանդանոցում, նրա վիճակին հետևում են բժիշկները։

Քաղաքապետի խոսքով՝ իր ինքնազգացողությունը լավ է, տրամադրությունը՝ բարձր:

Առողջապահության համաշխարհային կազմակերպությունը մարտի 11-ին նոր կորոնավիրուսը համավարակ էր հայտարարել: Համավարակի օջախ Չինաստանի սահմաններից դուրս վարակը տարածվել է 213 երկրում:

Աշխարհում այժմ հաստատվել է կորոնավիրուսով վարակման ավելի քան 21 միլիոն դեպք, որից 773 197-ը՝ մահվան ելքով։

Թուրքիան կորոնավիրուսի 249 309 վարակակրով աշխարհում 18-րդ տեղն է զբաղեցնում։ Հիվանդությունից այստեղ ընդհանուր 5 974 մարդ է մահացել։