Ցխինվալիում անհայտ անձինք կրակել են Հարավային Օսիայի ներքին գործերի նախարարի ավտոմեքենայի վրա

03:27 • 18.08.20

Հարավային Օսիայի մայրաքաղաք Ցխինվալիում անհայտ անձինք կրակել են ներքին գործերի նախարար Իգոր Նանիևի ավտոմեքենայի ուղղությամբ, տուժածներ չկան, ТАСС գործակալության հետ զրույցում հայտնել է փոխնախարար Տարզան Կոկոյտին:

Դեպքի տեղի է ունեցել օգոստոսի 17-ին՝ ժամը 23:00-ի սահմաններում, Ցխինվալիի հյուսիսային հատվածում գտնվող Մոսկովյան միկրոշրջանի մերձակայքում, երբ լքված մի տնից անհայտ անձինք ատրճանակից կրակել են Նանիևի մեքենայի վրա:

ՆԳ փոխնախարարը հայտնել է, որ արձակված 3 գնդակից մեկը դիպել է մեքենայի դռանը: