Ունենք մի շարք ջրաշինական ծրագրեր, սակայն կան համայքներ, որտեղ չենք կարող շուրջօրյա ջուր տրամադրել՝ թուլլ տրված կառավարչական թերությունների պատճառով․ Տավուշի մարզպետ (տեսանյութ)

21:50 • 19.08.20

Տավուշի մարզի համայնքերում տարվող աշխատանքների մեջ ամենամեծ ծավալը կազմում են տարբեր շինարարական աշխատանքները, դրանք ոչ միայն հրետակոծված գյուղերի վերականգնմանն են վերաբերվում, այլ նաև տարբեր համայնքներում իրականացվող աշխատանքներին: Այս մասին այսօր Տավուշ ՀԸ-ի ուղիղ եթերի ժամանակ ասաց Տավուշ մարզպետ Հայկ Չոբանյանը:

Նրա խոսքով՝ համայնքներում տեղի են ունենում աշխատանքներ՝ ճանապարհաշինությունից մինչև ջրաշինություն և վերջին շաբաթվա ընթացքում մշտապես հետևում են հրետակոծված համայնքների վերականգնման աշխատանքներին: Ըստ նրա՝ ճանապարհաշինության հետ զուգահեռ դրվում է ճանապարհի հարակից տարածքի կանաչապատման և բարելավման հարցը:

«Այլ բան է, թե որքանով են այդ գործընթացը արագ և բարձր որակով իրականացնում»,-ասաց նա և ներկայացրեց, որ մարզի Բարեկամավան գյուղում արդեն սկսվել են դպրոցի և ամբուլատորիայի վերանորոգման աշխատանքները, սկսվել է նաև գյուղում «Հայփոսի» մասնաճյուղի բացման աշխատանքերը:

Մարզպետը նշեց, որ նախորդ տարվա համեմատ, երբ աշխատանքներ էին իրականացվում  միջպետական ճանապարհի վերականգման համար, այս տարի տեղի են ունենում մեծածավալ մարզային և համայնքային ճանապարհների կառուցում, որի ֆինանսը կազմակերպվել է պետության և համայնքների համագործակցության արդյունքում:

Նա շեշտեց՝ այս տարին արդյունավետ էր նաև տարբեր ջրամատակարարման ծրագրերի առումով, մրցույթները հայտարարված են և մոտ օրերս կսկսվեն Արճիս և Լճաձոր համայնքների խմելու ջրի մատակարարման հարցի շուրջ ծրագրերի իրականացման գործընթացը:

«Ունենք մի շարք այլ ջրաշինական ծրագրեր այլ համայնքներում և ուսումնասիրությունները բերել են նրան, որ կան համայքներ, որտեղ չենք կարող շուրջօրյա ջուր տրամադրել, որը խոսում է կառավարչական թերությունների մասին»,- ասաց նա:

Մանրամասները՝ տեսանյութում