Ռուսաստանում առաջարկում են խստացնել պատիժը աղմուկ բարձրացնող մոտոցիկլավարների նկատմամբ
Աղմուկի սահմանված չափը գերազանցելու դեպքում մոտոցիկլավարների նկատմամբ վարչական պատասխանատվությունը, հնարավոր է, խստացվի՝ մեծացնելով սահմանված տուգանքների չափը:
Ինչպես փոխանցում է РИА Новости-ն, օրենսդրական նախագիծը ՌԴ Պետական Դումայում է, հեղինակն է պատգամավոր Միխայիլ Ստարշինովը:
Օրենսդրական ներկա կարգավորումներով աղմուկի սահմանաչափը գերազանցելու դեպքում տրանսպորտային միջոցները կարող են մինչև 500 ռուբլու չափով տուգանվել: Օրենքի հեղինակի համոզմամբ՝ այն առհասարակ արդյունավետ չէ, իսկ մարդանց մեծամասնությունը «թքած ունի» օրենքի կարգավորման վրա:
«Վաղ առավոտյան փողոցով մի մոտոցիկլավարի անցնելու պատճառով հարյուրավոր մարդիկ են քնից արթնանում: Դա նորմա՞լ է»,- նկատել է պատգամավորը:










