Եթե հաստատվի, որ Նավալնին թունավորվել է, հետաքննություն կանցկացվի. Պեսկով
ՌԴ նախագահի խոսնակ Դմիտրի Պեսկովն, անդրադառնալով ընդդիմադիր գործիչ Ալեքսեյ Նավալնու բուժմանը, վստահեցրել է, որ եթե առողջապահության նախարարություն համապատասխան դիմում ստացվի նրան արտասահմանյան հիվանդանոց տեղափոխելու մասին, իշխանություններն օպերատիվորեն կդիտարկեն այն: Այս մասին հայտնում է ТАСС գործակալությունը:
Պատասխանելով Նավալնու հնարավոր թունավորման մասին հարցին՝ Կրեմլի ներկայացուցիչը նշել է, որ այդ հանգամանքը պետք է հաստատվի լաբորատոր եղանակով, պետք է սպասել հետազոտությունների արդյունքներին:
«Սպասենք արդյունքներին: Կարծում եմ, որ բժիշկներն ամեն ինչ անում են հիվանդի բուժման համար, անում են ամեն անհրաժեշտը»,- ասել է Պեսկովը՝ հավելելով, որ իրավապահ մարմինները հետաքննություն կիրականացնեն, եթե հետազոտության արդյունքները հաստատեն, որ Ալեքսանդր Նավալնին թունավորվել է:
Հիշեցնենք, որ հինգշաբթի առավոտյան Նավալնու մամլո քարտուղար Կիրա Յարմիշը հայտնել էր, որ Տոմսկից Մոսկվա ուղևորվող ինքնաթիռն արտակարգ վայրէջք է կատարել Օմսկ քաղաքում՝ ընդդիմադիր գործչի առողջական վիճակի կտրուկ վատթարացման պատճառով: Նրան անգիտակից վիճակում տեղափոխել են վերակենդանացման բաժանմունք և թոքերի արհեստական օդափոխման սարքի միացրել:
Նավալնու քարտուղարն ավելի վաղ ենթադրություն էր հայտնել, որ նրա մոտ թունավորում է եղել: Հստակ ախտորոշումն ավելի ուշ կտրվի: Բժիշկներին հաջողվել է կայունացնել Նավալնու վիճակ։
Բժիշկները կոմայի մեջ գտնվող Նավալնու մոտ բացառել են կորոնավիրուսը, սրտի և գլխուղեղի կաթվածը։










