«Պռոշյանի կոնյակի գործարանի» մասնաճյուղում հրդեհից տուժածների վիճակը ծայրահեղ ծանր է, նրանցից մեկի այրվածքային մակերեսը կազմում է 90%. ԱՆ խոսնակ

15:31 • 01.09.20

«Պռոշյան կոնյակի գործարանի» մասնաճյուղում տեղի ունեցած հրդեհի հետևանքով տուժած 4 պացիենտները տեղափոխվել են Այրվածքաբանության ազգային կենտրոն:

Այս մասին ֆեյսբուքյան իր էջում տեղեկացրել է Առողջապահության նախարարության մամուլի խոսնակ Ալինա Նիկողոսյանը։

«Նրանց վիճակը բժիշկները գնահատում են ծայրահեղ ծանր: Բոլորը արական սեռի են:

33 տարեկան` ունի վերին շնչուղիների 10% այրվածք: Ընդհանուր այրվածքային մակերեսը կազմում է 35%:

32 տարեկան` ունի վերին շնչուղիների 20% այրվածք: Ընդհանուր այրվածքային մակերեսը կազմում է 90%:

46 տարեկան` ունի վերին շնչուղիների 10% այրվածք: Ընդհանուր այրվածքային մակերեսը կազմում է 50%:

24 տարեկան` ունի վերին շնչուղիների 10% այրվածք: Ընդհանուր այրվածքային մակերես կազմում է 30%»,-գրել է նա: