Եղանակն՝ այսօր
Մեծ Բրիտանիայում նորածինը ողջ է մնացել սրտի 3 կանգից հետո (լուսանկարներ)
Մեծ Բրիտանիայում 17 օրական երեխան երեք անգամ սրտի կանգ է ունեցել, սակայն շարունակել է ապրել, գրում է The Sun պարբերականը:
Աղբյուրը մանրամասնում է, որ առաջին անգամ սրտի՝ 8 րոպե տևողությամբ կանգը գրանցվել է երեխայի՝ շշով կաթ խմելու հետևանքով. նշվում է, որ հեղուկը լցվել է երեխայի թոքեր, և նա չի կարողացել հանգիստ շնչել: Սրտի առաջին կանգից հետո բժիշկներին հաջողվել է վերակենդանացնել փոքրիկին, սակայն դրան հաջորդել է 3 րոպե տևողությամբ ևս երկու կանգ:
Նշվում է, որ բժիշկները երեխայի ծնողներին ի սկզբանե վատագույնին են նախապատրաստել:
«Պարզապես ինձ այնքան երջանիկ եմ զգում, որ Բերթին արեց դա: Չէինք մտածում, որ նա կապրի: Բժիշկներն անընդհատ ասում են ինձ, թե Բերթին հրաշք է, և չեն կարողանում հավատալ, որ իրեն այժմ այդքան լավ է զգում»,- նշել է երեխայի մայրը՝ Տոնիկա Սպենսերը:
Իրականացած հետազոտությունների արդյունքում պարզ է դարձել, որ սրտի կանգի ժամանակ երեխայի ուղեղը թթվածնի պակաս է ունեցել: Բժիշկների խոսքով՝ նրա մոտ հետագայում կարող են խոսքի կամ քայլելու հետ կապված խնդիրներ ի հայտ գալ:
Studio One