Նիցցայում կատարված ահաբեկչության զոհերից մեկը Բրազիլիայի քաղաքացի է
Հոկտեմբերի 29-ի նՖրանսիայի Նիցցա քաղաքում եկեղեցու մոտ իրականացված հարձակման զոհերից մեկը Բրազիլիայի քաղաքացի է, հայտնել է Բրազիլիայի արտգործնախարար Էռնեստո Արաուժոն:
«Մենք խորապես վշտացած ենք Բրազիլիայի 44-ամյա քաղաքացու մահվան կապակցությամբ: Նա 3 երեխաների մայր էր: Նա դարձել է Նիցցայի Նոտր Դամ եկեղեցում իրականցված դաժան հարձակման զոհերից մեկը»,- գրել է նախարարը թվիթերյան էջում:
Հիշեցնենք, որ հինգշաբթի առավոտյան տղամարդը դանակով հարձակվել է մարդկանց վրա: Մահացել է 3 մարդ, որոնցից մեկին չարագործը գլխատել է: Հանցագործին հաջողվել է ձերբակալել: Քաղաքապետ Քրիստիան Էստրոզին նշել է, որ հանցագործը չի դադարել կրկնել «Ալլահ աքբար»:
Profundo pesar pela morte de uma brasileira de 44 anos, mãe de três filhos, ocorrida hoje em Nice, na França, uma das três vítimas fatais do brutal atentado cometido por um terrorista na Basílica de Nossa Senhora. https://t.co/WREu7Vx16C
— Ernesto Araújo (@ernestofaraujo) October 29, 2020










