Վիսկոնսինում տղամարդը կրակ է բացել ոստիկանների ուղղությամբ և փախուստի դիմել. կան տուժածներ

16:27 • 06.11.20

Ամերիկյան Վիսկոնսին նահանգի հարավում անհայտ անձը կրակ է բացել ոստիկանների ուղղությամբ, ինչի հետևանքով երկու ոստիկան հրազենային վնասվածք է ստացել։

Ինչպես հաղորդում է տեղական FОХ6 հեռուստաալիքը, զինված հանցագործը դեպքի վայրից փախուստի է դիմել։

Հաղորդվում է, որ միջադեպը տեղի է ունեցել Դելաֆիլդ քաղաքում` ուրբաթ առավոտյան։

Տեղի իշխանությունների խոսքով՝ զինված տղամարդը կարող է գտնվել դեպքի վայրից ոչ շատ հեռու։
Տեղական WLUK հեռուստաալիքի տվյալներով՝ տուժած ոստիկանների կյանքին վտանգ չի սպառնում։