«Իմ քայլի» պատգամավորներն ունեն մի ելք. հայտարարել, որ այլևս չեն սատարում Նիկոլին ու միանալ նրա հրաժարականի պահանջին. քաղաքագետ

13:41 • 11.11.20

Իմ Քայլի պատգամավորներն ապաքաղաքական ու կամքից զուրկ մարդիկ են ու լավ չեն հասկանում, որ իրենք, յուրաքանչյուրն անձնապես կրում է այս ամենի պատասխանատվությունը: Այս մասին ֆեյսբուքյան իր էջում գրել է քաղաքագետ Ստեփան Դանիելյանը: Գրառումը՝ ստորև.

«Իմ Քայլի պատգամավորներին

Նիկոլը հերթական անգամ Երևանն արյան է ուզում տանել: Արցախից շուտով մի զանգված է մուտք գործելու Հայաստանում, որն արդեն միտինգներ չի անելու:

Նա պետք է շտապ հեռանա, որ գործընթացները քաղաքական հուն մտնեն, այլապես ոչ քաղաքական եղանակով են պրոցեսները զարգանալու, ինչն ամենավտանգավորն է այս փուլում: Այլընտրանք չկա:

Նաև բանակցային պրոցեսում սթափ ու գիտակից մարդիկ են պետք, ինչն այժմ ամենակարևորն է:

Իմ Քայլի պատգամավորներն ապաքաղաքական ու կամքից զուրկ մարդիկ են ու լավ չեն հասկանում, որ իրենք, յուրաքանչյուրն անձնապես, առանձին առանձին նույնպես կրում է այս ամենի պատասխանատվությունը: Հույս չունենաք, որ կարող է ամեն ինչ հանգստանալ: Դա չի լինելու:

Հիմա նրանք ունեն մի ելք, հայտարարեն, որ այլևս Նիկոլին չեն սատարում ու միանան նրա հրաժարականի պահանջին:

Շտապ: Հետո զղջալու եք բաց թողնված հնարավորության համար»: