«Կորստի զգացումն ավելի ծանր է դարձնում պարտության փաստը». BBC-ն ԼՂ շուրջ վերջին իրադարձությունների վերաբերյալ ռեպորտաժ է ներկայացրել (տեսանյութ)
BBC-ն Լեռնային Ղարաբաղում պատերազմի, դրա հանգուցալուծման և վերջնական արդյունքին արցախցիների ցասման մասին ռեպորտաժ է ներկայացրել։
BBC-ի թղթակից Սթիվ Ռոզենբերգը պատմում է, որ Արցախի գերեզմանոցները լցված են ծխացող խնկով, նոր գերեզմանափոսերով և իրենց հարազատի մահը սգացող ընտանիքներով։
«Կորստի զգացումն ավելի ծանր է դարձնում պարտության փաստը»,- հայտնում է լրագրողը։
Խոսելով նոյեմբերի 9-ին Հայաստանի, Ռուսաստանի և Ադրբեջանի միջև ձեռք բերած զինադադարի մասին՝ BBC-ի թղթակիցը նշում է, որ իշխանությունների, մասնավորապես՝ ՀՀ վարչապետ Նիկոլ Փաշինյանի դեմ Երևանում բողոքի ցույցեր են սկսել, որի մասնակիցները վերջինիս «դավաճան» են անվանում։
«Ցուցարարները վստահ են, որ տարածքեր զիջելով՝ Փաշինյանը դավաճանել է նրանց»,- նշում է թղթակիցը, որը Ազատության հրապարակում զրուցել է վարչապետի հրաժարականը պահանջող ցուցարարների հետ։
«Այս պատերազմի մարդկային գինն ահռելի էր: Կորստի զգացողության հետ գրեթե անհնար է հաշտվել»,- նշում է թղթակիցը։
The war may be over. The funerals are not. At a military cemetery in Yerevan, we see many fresh graves. Our report for @BBCNews on Armenians' reaction to the #Karabakh peace deal. Camera/edit @mattgodtv Producer @BBCWillVernon pic.twitter.com/nXkvZ7qZfZ
— Steve Rosenberg (@BBCSteveR) November 11, 2020










