Բեռլինի ոստիկանությունը ջրցան մեքենաներ է կիրառել ընդդեմ ցուցարարների (տեսանյութ)
Ոստիկանությունը ջրցան մեքենաներ և պղպեղային գազ է օգտագործել Բեռլինի կենտրոնում ցուցարարներին ցրելու համար: Այս մասին տեղեկացնում է «ՌԻԱ Նովոստի» գործակալությունը:
Ուժայինները սկսել են ձերբակալել ցուցարարներին, կան վիրավորներ:
Ցուցարարները պահանջում էին իրենց հնարավորություն տալ մտնել Գերմանիայի Բունդեսթագի շենք, որտեղ քննարկվում էր բնակչության վարակային պաշտպանության մասին օրենքի նոր տարբերակը:
Օրինագծի հեղինակներն առաջարկել են COVID-19 համաճարակի սահմանափակումներ մտցնելու մասով ընդլայնել դաշնային առողջապահության նախարարության լիազորությունները:
Նոր ինֆեկցիոն պաշտպանության մասին օրենքի քննադատները համեմատում են այն «Արտակարգ լիազորություններ տրամադրելու մասին» օրենքի հետ, որը 1933-ին արտակարգ լիազորություններ էր փոխանցում Ադոլֆ Հիտլերի գլխավորած կառավարությանը: Բացի այդ, բողոքի ակցիան ներգրավել է ծայրահեղ աջ կուսակցությունների կողմնակիցներին, այդ թվում ՝ Գերմանիայի Դաշնային Հանրապետության այլ շրջաններից:
Տեսանյութը կարող եք դիտել այստեղ:










