Նիկոլ Փաշինյանին աջակցող ցույցի մասնակից, ԶՈւ համազգեստով մարդիկ սպառնում էին, որ գալու են մեր տունը գրավեն. հանցագործության մասին հաղորդում ենք ներկայացնելու. Էդմոն Մարուքյան (տեսանյութ)

10:47 • 19.11.20

Երեկ Նիկոլ Փաշինյանի աջակիցների ցույցի մասնակիցներից մեկը սպառնում էր, որ մարդկանց տներ են գրավելու, նաև իմ անունն էր տալիս. ԶՈւ համազգեստով մարդիկ ասում էին՝ գալու են մեր տունը գրավեն: Այս մասին խորհրդարանական ճեպազրույցների ընթացքում հայտատարեց «Լուսավոր Հայաստան» խմբակցության ղեկավար Էդմոն Մարուքյանը:

«Այսօր հանցագործության մասին հաղորդում ենք ներկայացնելու, բայց նաև հրապարակային ուզում եմ տեղեկացնել, որ երկրում տիրում է անիշխանություն, երբ չկա ոչ մի կարգուկանոն, ոչ մի զսպող, ով ինչ ուզում, ասում է, սպառնում է, ով ում ուզում, ծեծում է: Այս խայտառակությանը պետք է վերջ տրվի: Այս լարումը երեխաների, ընտանիքի անդամների համար լուրջ խնդիր է, մարդիկ նայում ու սարսափում են, եթե ոչ անձամբ ես: Երեք երեխայի հայր եմ»,-ասաց նա՝ նշելով, թե սպառնալիներ է ստանում նաև զանգերի միջոցով:

«Դեռ նոյեմբերի 10-ից խոսել եմ այն մասին, որ սպառնալիքներ ենք ստանում: Ես շարունակում եմ սպառնալիքներ ստանալ, որոնց մասին նաև իրավապահ մարմիններն են տեղեկացված»,-ասաց նա: