«Շատ թուրքեր ծանրակշիռ պատճառներ ունեն իրենց երկրով չհպարտանալու համար». թուրք փորձագետ

17:11 • 26.11.20

Վերջին ուսումնասիրությունները ցույց են տալիս, որ թուրքերի 38 տոկոսը սեփական երկրում իրեն օտար են զգում, Algemeiner թերթում հրապարակված հոդվածում գրել է վերլուծաբան Բուրակ Բեքդիլը։

Տնտեսության, ժողովրդավարության, քաղաքացիական ազատությունների և արդարադատության տեսանկյունից երկրում տիրող իրավիճակը թուրքերի համար ծանրակշիռ պատճառներ են՝ իրենց երկրով չհպարտանալու համար, գրում է վերլուծաբանը։

Բեքդիլը, մեկնաբանելով վերջերս անցկացված Konda հետազոտական ընկերության հարցումը, նշում է, որ Թուրքիայի նախագահ Ռեջեփ Թայիփ Էրդողանի «Արդարություն և զարգացում» կուսակցության օգտին քվեարկած թուրքերի 24 տոկոսը նույնպես կիսում են այդ զգացողությունը։

Նրա խոսքով՝ հարցումը ցույց է տալիս, որ շատ թուրքեր սեփական երկրում իրենց երեխաների համար պայծառ ու լուսավոր ապագա չեն տեսնում։