Բյուջեն այլևս վստահություն չվայելող իշխանության ֆինանսական միջոցների դրամարկղն է. Միքայել Մելքումյան (տեսանյութ)
Հարցրե՞լ եք փոխանցողներին, համաձա՞յն են, որ «Հայաստան» համահայկական հիմնադրամի գումարները գնան բյուջե, որովհետև բյուջեն այլևս վստահություն չվայելող իշխանության ֆինանսական միջոցների դրամարկղն է և հաջորդ անգամ մարդիկ կարող են համաձայն չլինել տալ գումար, այսինքն՝ քաղաքական սխալ է տեղի ունեցե, եթե մի անգամ հասցեն փոխում ես, հաջորդ անգամ ժողովուրդը կարող է էլ չտա, իսկ դրանից մենք չենք շահելու. այսօր լրագրողների հետ ճեպազրույցի ժամանակ նշեց ԲՀԿ պատգամավոր Միքայել Մելքումյանը՝ պատասխանելով հարցին, թե «Հայաստան» Համահայկական հիմնադրամը հանգանակած գումարը փոխանցվել է պետբյուջե, հասկանալի՞ է այն բացատրությունը, որը ներկայացրել է ֆինանսների նախարարությունը:
Անդրադառնալով դիտարկմանը, որ ֆինանսների նախարարությունը 73 մլն դրամ է դուրս գրել պարգևավճարների համար, արդյո՞ք դա ֆինանսների ճիշտ կառավարում է, Մելքումյանը նշեց. «Դա նշանակում է, որ ձուկը գլխից է հոտել և ամեն ինչ որոշվում է բարձրագույն բուրգում, մինչև այն վերևի նստածի հարցերը չլուծվի, ներքևներում՝ պարգևավճար, բյուջե այդ բոլորը գալիս է հիմնական մի կետից, սա է խնդիրը, կլուծվի այդ հարցը, կունենաք նոր իրականություն»:
Միքայել Մելքումյանը, անդրադառնալով Վարչապետի այն հայտարարությանը, որ հանրային պահանջ չկա իր հրաժարականի համար, նշեց, որ 17 կուսակցությունների կողմից ասվել է քայլերի հաջորդականությունը հանրահավաքում, նշվել է՝
«Հանրահավաքում հավաքված մարդկանց ոչ թե քանակը, այլ որակն եմ ես գնահատում, այնտեղ կան մտավորականներ, մշակույթի գործիչներ և այսօր ես շնորհակալություն հայտնեցի ԵՊՀ-ի գիտխորհրդին Երևանի գիտությունների ակադեմիայի նախագահությանը, գլուխ խոնարհեցի, որ մարդիկ քաղաքացիական արիություն դրսևորեցին և չմնացին իշխանական բյուրոկրատական մակլավիկների մեջ, որը բնորոշ է եղել Հայատանի 30 տարվա բոլոր իշխանություններին»:
Հարցին, թե մեղադրում են, որ ընդդիմութունը հստակ չի նշում, ո՞վ է վարչապետի թեկնածուն լինելու և ովքե՞ր են լինելու Կառավարության ժամանակավոր կազմում, Միքայել Մելքումյանը պատասխանեց. «Ամեն ինչ իր հերթին հանգիստ, հանդարտ քայլերով կլինի, կգա ժամանակը, կիմանաք, իսկ դա շատ հեռու չէ»:










