Եղանակն՝ այսօր
ԱՀԿ-ում վստահ են, որ կորոնավիրուսի մուտացիաները շարունակվելու են
Կորոնավիրուսի մուտացիան կշարունակվի նաև հետագայում: ТАСС գործակալության փոխանցմամբ՝ նման վստահություն է հայտնել Առողջապահության համաշխարհային կազմակերպության փորձագետ Մարիա վան Կերկխովեն:
«Մուտացիան շարունակվում է: Մուտացիան բնական գործընթաց է: Վիրուսի վրա դա առանձնապես չի անդրադառնա, սակայն մենք պետք է շարունակենք ուսումնասիրել այդ տարբերակներն, այդ թվում՝ փոխանցման հավանականության տեսանկյունից»,- ասել է փորձագետը:
Վերջինս ընդգծել է, որ ԱՀԿ-ն շարունակում է ուշադրությամբ հետևել իրավիճակին և աշխատել գիտնականների հետ ողջ աշխարհով մեկ: Բացի այդ, նրա խոսքով՝ կազմակերպության ներսում ևս կան մասնագետներ, որոնք զբաղվում են վիրուսի նոր տարբերակների ուսումնասիրությամբ:
Հիշեցնենք, որ կորոնավիրուսի նոր շտամի հայտնաբերման մասին դեկտեմբերի 14-ին հայտնել էր Մեծ Բրիտանիայի առողջապահության նախարարը: Նոր շտամը տարածվում է եվրոպական այլ երկրներում ևս:
Բացի այդ, վիրուսի ևս մեկ շտամ է հայտնաբերվել Հարավաֆրիկյան Հանրապետությունում, որն, ըստ ԱՀԿ-ի մասնագետների, կապ չունի բրիտանականի հետ:
Studio One