Telegram-ի սեփականատերը կոչ է արել iOS-ից անցնել Android համակարգի կիրառմանը

Telegram հավելվածի սեփականատեր Պավել Դուրնովն իր բլոգում նշել է iOS-ից Android-ին անցնելու նպատակահարմարության մասին, հայտնում է RIA Novosti լրատվական գործակալությունը:

Դուրնովը պարզաբանել է, որ, իր կարծիքով, Apple ընկերությունը խոչընդոտում է տեղեկատվության ազատ փոխանակմանը:

Սա հաջորդել է Apple-ի և Google-ի կողմից` ԱՄՆ նախագահ Դոնալդ Թրամփի աջակիցների շրջանում տարածված Parler հավելվածի արգելափակմանը:

«Apple-ը և Google-ը ազատության հարցում շատ ավելի մեծ խնդիր են առաջացնում, քան Twitter- ը: Իսկ երկուսից ամենավտանգավորն Apple-ն է, քանի որ այն կարող է լիովին սահմանափակել ձեր մուտքը ծրագրեր», - գրել է նա:

Դուրնովը նշել է, որ անցումը Android համակարգի կարող է ձեռնարկել յուրաքանչյուր օգտատեր`տեղեկատվության ազատությունը պահպանելու նպատակով: