BBC-ն անդրադարձել է Posidonia Oceanica բույսին և դրա ուսումնասիրման ու պահպանման հարցում իսպանացի կենսաբան Մանու Սան Ֆելիքսի իրականացրած աշխատանքներին. (տեսանյութ)

Վերջին 30 տարվա ընթացքում իսպանացի «ստորջրյա կինոռեժիսոր», ջրացատկի հրահանգիչ և ծովային կենսաբան Մանու Սան Ֆելիքսն իր կյանքը նվիրել է անորոշ «ծովային թոքերը» փրկելուն, հայտնում է BBC-ն:

Իր փիրուզագույն ջրերով և առանձնացված ափամերձ գծերով՝ Իսպանիայի արևելյան ափերին գտնվող Ֆորմենտերա փոքրիկ կղզին աշխարհի ամենատեսարժան լողափերն ունի: Այնուամենայնիվ, մարդկանց մեծ մասը չի գիտակցում, որ այս գեղեցկությունը մեծամասամբ պայմանավորված է ստորջրյա խոտ հանդիսացող էնդեմիկ Posidonia Oceanica (այսուհետ՝ Պոսիդոնիա) բույսով, որն անվանում են «Միջերկրական ծովի թոքեր»:

Ծովի հունական աստծո՝ Պոսեյդոնի անունով կոչված այս բույսը Միջերկրական ծովի ամենատարածված ծովախոտն է: Այն ապրում է լեփ-լեցուն ստորգետնյա մարգագետիններում, որոնք կարող են ձգվել հարյուրավոր կիլոմետրեր երկարությամբ և ապրել ավելի քան 100 հազար տարի՝ այն դարձնելով Երկրի ամենահին օրգանիզմներից մեկը: Բույսը նաև աներևակայելիորեն արդյունավետ է ջուրը զտելու և թթվածին արտադրելու հարցում: Ըստ կենսաբանի տեղեկությունների՝ բույսի 1 մետր քառակուսին արտադրում է այնքան թթվածին, որքան Ամազոնի անտառների 1 հեկտարը:

Չնայած բազմազանությունը պաշտպանելու ԵՄ օրենսդրությանը, Պոսիդոնիան առաջիկա մի քանի տասնամյակների ընթացքում անհետանալու լուրջ սպառնալիքի առջև է կանգնած: Աղտոտման, ձկնորսական ակտիվության ավելացման, չմաքրված կեղտաջրերի ծով արտանետման և Ֆորմենտերայի ափամերձ տարածքի աճող նավերից խարիսխների պատճառով՝ վերջին մի քանի տարիների ընթացքում ոչնչացրել է Պոսիդոնիայի մարգագետինների ավելի քան 30 տոկոսը, ինչն սպառնում է Միջերկրական ծովի էկոհամակարգին:

Վերջին 30 տարվա ընթացքում իսպանացի «ստորջրյա կինոռեժիսոր», ջրացատկի հրահանգիչ և ծովային կենսաբան Մանու Սան Ֆելիքսն իր կյանքը նվիրել է անորոշությունը փրկելուն: Ֆորմենտերայի իր սուզվելու կենտրոնից նա իրազեկել է Պոսիդոնիայի մարգագետինների պահպանման անհրաժեշտության մասին և աշխատել է պաշտպանել Ֆորմենտերայի և Իբիզայի միջև գտնվող Ses Salinas բնական պարկի ավելի քան 13 հազար հեկտար ծովային տարածքը: Վերջերս կենսաբանը քարտեզագրել է ծովի հատակը Ֆորմենտերայի ափերի մոտ և մշակել մի ծրագիր, որը ցույց է տալիս Պոսիդոնիայի մարգագետինների տեղը, որպեսզի նավակները խուսափեն վերևում խարսխ նետելուց:

Կենսաբանն ասել է. «Այդ ժամանակվանից ի վեր ինչ տեսել եմ այն, սիրահարվել եմ: Ես լիովին նվիրված եմ այս բույսի արժեքը ուսումնասիրելուն, նկարահանելուն և տարածելուն, որպեսզի ապագա սերունդներն օգտվեն դրա բազմաթիվ առավելություններից»:

Տեսանյութը կարող եք դիտել այստեղ: