Բոսնիայում ստեղծվել է առաջին ռոբոտ «երաժիշտը», որն այժմ հանդես է գալիս հայտնի ռոք խմբում (լուսանկարներ, տեսանյութ)

Բոսնիայի ամենահայտնի ռոք խումբը` Dubioza Kolektiv-ը, նոր անդամ ունի՝ Ռոբի Մեգաբայթ անունով ռոբոտը, որը երգում և նվագում է մի քանի երաժշտական գործիքներ, գրում է Reuters-ը։

Գործակալությունը մանրամասնում է, որ Սարաևոյի համալսարանի էլեկտրատեխնիկական դպրոցի ուսանողները ռոբոտին ստեղծել են Dubioza Kolektiv-ի խնդրանքով։

Ուսանողներից մեկը նշել է, որ «ռոբոտին ստեղծելը բարդ է եղել, քանի որ սկզբում ոչինչ չեն իմացել  3D տպագրության մասին և սարքավորումներ չեն ունեցել»։

Ուսանողները խոստովանում են, որ «ռոբոտի ծնունդը էյֆորիկ պահ էր իրենց համար, քանի որ ի վերջո տեսան երկարատև ու քրտնաջան աշխատանքի արգասիքը»։

Նշվում է, որ Ռոբին մասնակցել է խմբի՝ «Կարանտինային շոու» անվանումով ամենշաբաթյա առցանց համերգներին։