Ժիրինովսկին առաջարկել է Նոբելյան մրցանակի առաջադրել «Սպուտնիկ V» պատվաստանյութի հեղինակներին

Ռուսաստանի Դաշնության Լիբերալ-դեմոկրատական կուսակցության առաջնորդ Վլադիմիր Ժիրինովսկին  առաջարկել է բժշկության ոլորտում Նոբելյան մրցանակի առաջադրել ռուսական «Սպուտնիկ V» հակակորոնավիրուսային պատվաստանյութի հեղինակներին: Այս մասին նա գրել է իր թվիթերյան պաշտոնական միկրոբլոգում: 

««Սպուտնիկ V» պատվաստանյութի ստեղծումը դարակազմիկ իրադարձություն է: Առաջարկում եմ հունիսի 12-ին Կրեմլում Պետական պարգև շնորհել պատվաստանյութի հեղինակներին, ինչպես նաև նրանց առաջադրել բժշկության ոլորտում Նոբելյան մրցանակի»,- գրել է քաղաքական գործիչը: 

Հիշեցնենք՝ Ռուսաստանի առողջապահության նախարարությունն օգոստոսին գրանցել Էր կորոնավիրուսի դեմ աշխարհում առաջին պատվաստանյութը, որը մշակվել Է Գամալեայի անվան համաճարակաբանության և մանրԷաբանության ազգային հետազոտական կենտրոնում՝ Ռուսաստանի ուղղակի ներդրումների հիմնադրամի հետ համատեղ:

Նշենք՝ պատվաստանյութը ստեղծվել Է մարդու ադենովիրուսային վեկտորների բազայի վրա և ստացել Է «Սպուտնիկ V» անվանումը: Այն լուծույթ Է, որը նախատեսված է միջմկանային ներարկման համար: 

Создание вакцины Спутник V — эпохальное событие. Предлагаю наградить создателей вакцины Государственной премией 12 июня в Кремле. Также номинировать на Нобелевскую премию в области медицины.

— Владимир Жириновский (@Zhirinovskiy) February 7, 2021