Եղանակն՝ այսօր
Կորոնավիրուսի դեմ առաջին թուրքական պատվաստանյութը պատրաստ կլինի մինչև ամռան ավարտը
Թուրքիան նախատեսում է մինչև ամառվա ավարտը ստեղծել սեփական արտադրության առաջին հակակորոնավիրուսային պատվաստանյութը: Այս մասին հայտարարել է Թուրքիայի առողջապահության նախարար Ֆահրեթթին Քոջան, գրում է «Անադոլու» գործակալությունը:
Գերատեսչության ղեկավարն այս մասին հայտարարել է՝ ելույթ ունենալով Առողջապահության համաշխարհային կազմակերպության լրատվամիջոցների համար տեսակոնֆերանսի ռեժիմով տեղի ունեցած ճեպազրույցում:
«Հավատում եմ, որ մեր առաջին պատվաստանյութը հաջողությամբ պատրաստ կլինի մինչև օգոստոս-սեպտեմբեր, մինչև ամռան վերջ: Թուրքիայում պատվաստանյութերի մշակման ուղղությամբ աշխատանքները շարունակվում են արագ տեմպերով: Մենք վստահ ենք, որ կարճ ժամանակում կարտադրենք մեր սեփական պատվաստանյութը»,-ասել է Քոջան:
Քոջան նշել է, որ այս պահին 18 թուրքական թեկնածու-պատվաստանյութ ընդգրկված է ԱՀԿ-ի կողմից գրանցված թեկնածու-պտվաստանյութերի ցուցակում:
Studio One