Խարկովի քաղաքապետին տուգանել են ռուսերեն խոսելու համար
Խարկովի քաղաքապետ Իգոր Տերեխովը տուգանվել է 3400 գրիվնայով (92 դոլար) հեռուստամարաթոնի եթերում բնակչությանը ռուսերենով դիմելու և սոցիալական ցանցերը ռուսերենով պահելու համար։
Ինչպես գրում է kommersant.ru-ն, Տերեխովը խախտել է Վարչական իրավախախտումների վերաբերյալ Ուկրաինայի օրենսգիրքը և «Ուկրաիներենի` որպես պետական լեզվի գործառույթն ապահովելու մասին» օրենքը: Այս մասին Facebook-ում հայտնել է Ուկրաինայում պետական լեզվի պաշտպանության հանձնակատար Տարաս Կրեմինը:










