ԱԱ կիսաեզրափակիչից հետո Ֆրանսիայում ֆուտբոլասերները բախվել են ոստիկանների հետ (տեսանյութեր)
Ֆրանսիայի մի շարք քաղաքներում անկարգություններ են տեղի ունեցել Կատարում ընթացող աշխարհի առաջնության կիսաեզրափակչում Ֆրանսիայի հավաքականի՝ Մարոկկոյի հավաքականի նկատմամբ տարած հաղթանակից հետո։ Այս մասին գրում է kommersant.ru-ն:
Երկրպագուների և ոստիկանների միջև բախումներ են գրանցվել Փարիզում, Նիսում, Լիոնում և Մոնպելյեում։
Լրատվամիջոցների հրապարակած տեսանյութերում երևում է, թե ինչպես են Փարիզի Ելիսեյան դաշտերում երկրպագուները կռվում ոստիկանների հետ և նրանց վրա նետում ամրաններ, վառվող նյութեր և շշեր։
Ոստիկաններն արցունքաբեր գազ են կիրառել և փորձել ցրել երկրպագուներին։ Տեսանյութում կրակոցներ են լսվել։ Ինչպես պարզաբանում է Midi Libre-ն, անկարգությունների հիմնական մասնակիցները Ֆրանսիայի հավաքականի երկրպագուներն են։
Ֆրանսիայի եւ Մարոկկոյի հավաքականների երեկվա հանդիպումն ավարտվել է Ֆրանսիայի հավաքականի հաղթանակով՝ 2։0 հաշվով։ Ֆրանսիան է դուրս եկել աշխարհի առաջնության եզրափակիչ, որտեղ նրա մրցակիցը կդառնա Արգենտինայի հավաքականը՝ հանդիպումը կկայանա դեկտեմբերի 18-ին ժամը 18:00-ին։










