Գիշերն Ադրբեջանում 2 երկրաշարժ է տեղի ունեցել

09:59 • 16.12.22

Հինգշաբթի երկրաշարժեր են տեղի ունեցել Ադրբեջանի երկու շրջանում։

Ըստ Ադրբեջանի սեյսմոլոգիական ծառայության հանրապետական կենտրոնի՝ ժամը 23:04-ին Սաաթլի սեյսմիկ կայանից 22 կմ հարավ-արևելք՝ Սաաթլի շրջանում, գրանցվել են 3,9 մագնիտուդ հզորությամբ ցնցումներ։ Էպիկենտրոնին մոտ գտնվող բնակելի թաղամասերում երկրաշարժը զգացվել է մինչև 3 բալ ուժգնությամբ։ Երկրաշարժի էպիկենտրոնը գտնվել է 37 կմ խորության վրա։

3,2 մագնիտուդ հզորությամբ երկրորդ երկրաշարժը տեղի է ունեցել ժամը 23:09-ին Շամախիում։ Ստորգետնյա ցնցումների էպիկենտրոնը գտնվել է Գոբուստան սեյսմիկ կայանից 24 կիլոմետր դեպի արևմուտք։ Երկրաշարժի աղբյուրը գտնվել է 24 կիլոմետր խորության վրա: