Աջափնյակի թաղապետը հաստատեց՝ դադարեցնում է իր լիազորությունները
Աջափնյակի վարչական ղեկավար Կամսար Բաբինյանը գրառում է արել ու հաստատել՝ այսօրվանից դադարեցնում է վարչական շրջանի ղեկավարի իր լիազորությունները։
«Այս տարիներին կատարված աշխատանքի համար ուզում եմ շնորհակալություն հայտնել աջափնյակցիներին և աշխատակազմի բոլոր սրտացավ աշխատակիցներին, ովքեր ջանք ու եռանդ չեն խնայել ավելի բարեկարգ Աջափնյակ ունենալու պատասխանատու գործում:
Խորին շնորհակալությունս եմ հայտնում նաև Երևանի քաղաքապետին, վստահության և աջակցության համար»,- գրել է նա։










