Հալեպի մեծ մասը գրավված է, հայերի շրջանում զոհեր չկան․ Զարմիկ Պողիկյան

14:58 • 30.11.24

Թուրքամետ արմատական խմբավորումները գիշերվա ընթացքում գրեթե ամբողջությամբ գրավել են Սիրիայի Հալեպ քաղաքը։ Sputnik Արմենիայի հետ զրույցում այս մասին ասաց Հալեպի «Գանձասար» շաբաթաթերթի գլխավոր խմբագիր Զարմիկ Պողիկյանը։

«Գիշերն անորոշության մեջ է անցել։ Բախումների ձայներ էին լսվում։ Ցերեկն արդեն պարզ էր, որ ընդդիմադիրները գրեթե ամբողջությամբ քաղաքի մեջ են, բանակի ներկայություն չենք տեսնում։ Առավոտյան արդեն բախումների ձայներ չկային»,- ասաց Պողոսյանը։

Նրա խոսքով՝ հայկական թաղամասերում զոհեր կամ վիրավորներ չկան։ Բոլորը սպասողական վիճակում են։

«Մենք կոչ ենք արել բնակարաններից դուրս չգալ»,- նշեց Պողիկյանը։