ԱՄՆ Ներքին անվտանգության նախարարին թալանել են ռեստորանում

09:22 • 22.04.25

ԱՄՆ-ի Ներքին անվտանգության նախարար Քրիստի Նոեմին թալանել են Վաշինգտոնի ռեստորանում, գողացել են նրա պայուսակը, որում եղել են փաստաթղթեր և մեծ քանակությամբ կանխիկ գումար։ Այս մասին CNN-ը տեղեկացել է իրավապահ մարմինների աղբյուրներից։

«Գողացված պայուսակում եղել են վարորդական իրավունք, դեղորայք, բնակարանի բանալիներ, անձնագիր, ծառայողական անցագիր, կոսմետիկ պայուսակ և մոտ 3 հազար դոլար կանխիկ գումար»,-ասվում է հաղորդագրության մեջ:

Գաղտնի ծառայության աշխատակիցները, որոնք ապահովում են նախարարի անվտանգությունը և նրա հետ գտնվել են ռեստորանում, դիտել են տեսախցիկների տվյալները և պարզել, որ գողը եղել է անհայտ սպիտակամորթ տղամարդ, որի դեմքին բժշկական դիմակ է եղել: Դեպքի առթիվ կատարվում է հետաքննություն: