Բրիտանացի զբոսաշրջիկ է կյանքից հեռացել Ստամբուլում մազերի փոխպատվաստումից հետո
Բրիտանացի զբոսաշրջիկ է մահացել Ստամբուլում մազերի փոխպատվաստումից հետո։ Այս մասին հաղորդում է The Sun-ը, փոխանցում է ՌԻԱ «Նովոստին»։
«38-ամյա տղամարդը ժամանել Է Ստամբուլ և երկուշաբթի հինգ ժամ տևած մազերի փոխպատվաստման վիրահատության է ենթարկվել։ Սակայն վիրահատությունից կարճ ժամանակ անց զբոսաշրջիկը վատացել և հիվանդանոց է տեղափոխվել, որտեղ էլ նա մահացել է։
Մահվան պատճառը դեռ հայտնի չէ: Պարբերականի տվյալներով՝ այժմ ընթանում են անհրաժեշտ փորձաքննություններ, մասնավորապես, տեղի ոստիկանությունը հարցաքննել է կլինիկայի անձնակազմին։










