Պուտինին այսուհետ կկարդան չինարեն

12:03 • 01.05.08

ՌԴ նախագահ Վլադիմիր Պուտինի ելույթների հավաքածուն չինարեն թարգմանությամբ թողարկվել է Չինաստանի Հասարակական գիտությունների ակադեմիայի (ՀԳԱ) կողմից: Գրքում հավաքագրված է Ռուսաստանի նախագահի 2002-2008թթ. մոտ 80 հոդված, հայտարարություն և ելույթ:

Ելույթների բովանդակությունը վերաբերում է Ռուսաստանի քաղաքականությանը, տնտեսությանը, մշակույթին, գիտությանը, կրթությանը և կրոնին, ինչպես նաև Վլադիմիր Պուտինի տեսակետները միջազգային հարաբերությունների, հատկապես ռուս-չինական հարաբերությունների վերաբերյալ:

Ինչպես նշել է ՀԳԱ տնօրենի տեղակալ Լի Շենմինը, Վլադիմիր Պուտինի ելույթների հավաքածուի չինարեն լեզվով թողարկումը հաճելի իրադարձություն է ռուս–չինական հարաբերություններում, որն օգտակար է ոչ միայն բարձր մակարդակով երկկողմանի կապերի ակտիվացման և ավանդական ընկերության ամրապնդման, այլ նաև երկու պետությունների հասարակությունների քաղաքական փոխըմբռնման և փոխվստահության համար: