Ամերիկյան ընկերությունը գնում է հին iPhone-ներ

17:29 • 25.07.08

Freeiphoneswap ընկերությունը սկսել է ամերիկացիներից գնել Apple-ի iPhone առաջին սերնդի սմարթֆոնները, տեղեկացնում է TG Daily-ն։ 

Հին iPhone-ների վաճառքից ստացված գումարը կբավականացնի նոր՝ iPhone 3G գնելու համար։

Freeiphoneswap–ը գնում է աշխատող առաջին սերնդի iPhone հեռախոսներ՝ 4, 8 և 16 գիգաբայթ հիշողությամբ։ Սմարթֆոնի գինը կազմում է համապատասխանաբար 150, 250, և 350 դոլար։

Հանձնվող հեռախոսների դիմաց փողերը հեռախոսի նախկին տերերը կստանան երկու աշխատանքային օրերի ընթացքում։