ԱՄՆ-ում կկառուցեն ստորգետնյա երկնաքեր

ԱՄՆ Արիզոնա նահանգի Բիսբի քաղաքից ոչ հեռու նախատեսվում է կառուցել 270 մ խորությամբ ստորգետնյա աշտարակ։ Այս մասին հայտնում է news.bigmir.net–ը։

Above Below անվամբ այս բնակելի համալիրի նախագիծը ստեղծել է ճարտարապետ Մեթյու Ֆրոմբոլութին՝ eVolo երկնաքերերի ամենամյա մրցույթի համար։

Ըստ տեղեկությունների՝ այս արտասովոր օբյեկտը նախատեսվում է տեղակայել Lavender Pit Mine լքված ածխահանքում, որի խորությունը 275մետր է, լայնությունը՝ 90 մետր։ «Կառույցն իրենից ներկայացնելու է ինքնաբավ համակարգ՝ շրջանառու ջրամատակարարմամբ, ջերմաստիճանի կարգավորման համակարգով՝ ի զորու արտադրել ոչ միայն էներգիա, այլ նաև մթերք»։

Ստորգետնյա համակարգը կմիանա Բիսբի քաղաքին՝ թեթև ռելսային տրանսպորտի միջոցով։

Հիշեցնենք, որ ԱՄՆ–ում սկսել են վաճառել ստորգետնյա ապաստարաններ՝ նախատեսված 200 մարդու համար և նախագծված տարբեր բնական և տեխնածին աղետներից պաշտպանվելու համար։