Չինաստանում փակվել են ավելի քան 60 հազար պոռնոկայքեր

13:05 • 26.11.10

Չինաստանում 2009թ. դեկտեմբերին մեկնարկած հատուկ արշավի շրջանակում փակվել են ավելի քան 60 հազար պոռնոկայքեր։ Այս մասին տեղեկացնում են չինական լրատվամիջոցները։

Չինաստանի պոռնոգրաֆիկ բովանդակությամբ և ապօրինաբար հեռարձակվող կայքերի դեմ պայքարի գրասենյակի տարածված հայտարարության մեջ նշվում է, որ 2009թ. մինչև օրս արշավի շրջանակում վերահսկվել է 1 միլիոն 785 հազար կայք, ստացվել է ավելի քան 160 հազար ահազանգ, իսկ 516 իրազեկիչներ իրենց մատուցած ծառայությունների համար ընդհանուր առմամբ ստացել են 526 հազար յուանի պարգևատրում (մոտ 81 հազար ԱՄՆ դոլար)։