ԱՄՆ-ում մարմնի երկու ծայրին գլուխ ունեցող օձ է հայտնաբերվել

ԱՄՆ-ի Կարոլինա նահանգում իրենց տան բակում խաղացող քույրն ու եղբայրը հանդիպել են արտառոց մի երևույթի. մարմնի  երկու ծայրին գլուխ ունեցող օձի, գրում է Daily Mail-ը:

Իհարկե, բնության մեջ ավելի վաղ ևս հայտնաբերվել են երկգլխանի օձեր, սակայն այդ դեպքերում գլուխները գտնվել են  կողք կողքի, միայն մարմնի մի ծայրին, այլ ոչ թե երկու:

Երեխաների պատմելով՝ գլուխների վրա կան 2-ական աչք և լեզուներ:
«Գլուխներից մեկը, ի տարբերություն մյուսի, ավելի մեծ է, սակայն երկուսն էլ հավասարապես կառավարում են իրենց «ընդհանուր» մարմինը»,-նշել է երեխաների մայրը:

Կենսաբաններն արդեն հետազոտել են արտասովոր արարածին և պարզել, որ այն թունավոր չէ և որևէ վտանգ չի ներկայացնում մարդկանց համար: Այն սնվում է որդերով ու հոդվածոտանիներով: