Բրիտանական էլեկտրական ավտոմեքենան արագության նոր ռեկորդ է սահմանել

Բրիտանական Nemesis էլեկտրական ավտոմեքենան 244 կմ/ժ արագություն է զարգացրել Նյու Յորքում տեղի ունեցած փորձարկումների ժամանակ և, փաստորեն, նոր ռեկորդ սահմանել, ըստ BBC-ի ռուսական ծառայության, հայտարարել են մեքենայի արտադրող ընկերությունից:

Սպորտային Lotus Exige մոդելի կատարելագործումն իրականացվել է Նորֆոլքում` բրիտանացի մի խումբ ինժեներների կողմից:

«Դա հիասքանչ էր: Ավտոմեքենան հիանալի էր ընթանում»,- ասել է ռեկորդի սահմանման ժամանակ մեքենայի ղեկին նստած Նիկ Պոնտինգը:

Նա նաև նշել է, որ ավտոմեքենան կարողանում է շատ կարճ ժամանակում առավելագույն արագություն զարգացնել:

Ավտոմեքենայի արագության նախկին ռեկորդը եղել է 220 կմ/ժ արագություն: