iPad-ը՝ ինքնաթիռի վառելիքի տնտեսման միջոց

Հարուստներն ունեն միայն իրենց հատուկ դժվարություններ ու խնդիրներ. վերջին շրջանում նրանցից շատերը ստիպված են եղել հրաժարվել սեփական ինքնաթիռներից՝ վառելիքի գների համաշխարհային թանկացման պատճառով։ Սակայն այժմ նրանց օգնության են եկել iPad-ները, հայտնում է РБК-ն։

Ամերիկյան Flexjet մասնավոր ավիացիայի օդաչուներին այսուհետ թույլ կտան թռիչքների ընթացքում թղթերի վրա գրված ցուցումների և նավիգացիոն նյութերի փոխարեն սովորական iPad վերցնել։ Թեև սա կարող է վառելիքի տնտեսման շատ կասկածելի տարբերակ թվալ, սակայն դա հնարավորություն կտա ինքնաթիռի քաշը 55 կգ-ով թեթևացնել։ Արդյունքում հնարավոր կլինի 1 գալոն վառելիք տնտեսել թռիչքի 1 ժամվա ընթացքում։

Flexjet-ի տնօրինությունը գտնում է, որ ինքնաթիռի ղեկավարման հարցում iPad-ի օգտագործումն էապես կբարձրացնի օդաչուների արդյունավետությունը։