Իռլանդիայի ափերի մոտ անհայտ պատճառներով 50 հազար ծովաստղ է «ինքասպան» եղել

Իռլանդիայի Լիսադել մեկուսացած լողափում անիրական և առեղծվածային տեսարան է բացվել. 50 հազար ծովաստղ անհայտ պատճառներով մի գիշերում ափ է նետվել ու սատկել, գրում է Yahoo News-ը։

Կենսաբան Բիլ Քրոուն գտնում է, որ ծովաստղերն ափ են նետվել այն պատճառով, որ երկփեղկ խեցեմորթներով կամ միդիաներով սնվելու համար հայտնվել են մակընթացության և տեղատվության հետ կապված հատվածում։ 

«Թեև ես գտնում եմ, որ զանգվածային ափ նետվելու փաստն առավելապես կապված է միդիաներով սնվելու պատճառով այդ հատվածում հայտնվելու հետ, այնուամենայնիվ, բավական տարօրինակ է, որ 50 հազար ծովաստղից և ոչ մեկի մոտ այդ կենդանիներից չի հայտնաբերվել»,- նշել է Քրոուն։

Այլ մասնագետներ գտնում են, որ այս ամենի բացատրությունը փոթորկային եղանակն է, որն էլ ծավաստղերին ափ է հանել։