Շուտով սմարթֆոնների լիցքավորիչների դերում կարող են հայտնվել մարդիկ

Չի բացառվում, որ մոտ ապագայում մարդիկ այլևս չեն անհանգստանա իրենց սմարթֆոնների լիցքավորման սպառման համար։ Պատճառն այն է, որ ամերիկացի գիտնականները ստեղծել են էժան ու արդյունավետ նանոգեներատոր, որն ունակ է կարճ մեխանիկական շարժումները վերածել էներգիայի, գրում է Вести-ին։

Սարքը ստեղծել են Ջորջիայի տեխնոլոգիայի ինստիտուտի մասնագետները, և հարկ է նշել, որ նանոգեներատորի հնարավորությունների շրջանակը շատ ավելի լայն է, քան պարզապես սմարթֆոնների լիցքավորումը։ Օրինակ՝ քայլքի կամ շնչելու ընթացքում առաջացած հավելյալ էներգիան կարող է լիցքավորել բժշկական իմպլանտներն ու մյուս բուժական էլեկտրոնիկան։

Նանոգեներատորը կարողանում է էներգիայի վերածել մեխանիկական շարժման 10-15%-ը, սակայն մասնագետների պնդմամբ՝ այդ ցուցանիշը կարելի է հասցնել մինչև 40%-ի։Եղունգի մեծությամբ նանոգեներատորը բավական մատչելի է արտադրության հարցում, ինչը հնարավորություն կտա այս տեխնոլոգիային իրավամբ զանգվածային դառնալ։