Հայ քանդակագործն սկսել է աշխատել Դեդ Հասանի հուշարձանի նախագծերի վրա

Քրեական հեղինակություն Ասլան Ուսոյանի (Դեդ Հասանի) մերձավորները Նովոսիբիրսկում բնակվող հայ քանդակագործ Արամ Գրիգորյանին պատվիրել են ստեղծել Դեդ Հասանի հուշարձանը. այդ մասին տեղեկությունները «ՌԻԱ Նովոստի» գործակալության հետ զրույցում հաստատել է Գրիգորյանը։

Քանդակագործը չի հասկանում, թե ինչո՞ւ է լրատվամիջոցներում աղմուկ բարձրացել հուշարձանի կառուցման շուրջ։ «Երբ բժիշկը բուժում է, չի հարցնում, թե հիվանդն ով է։ Նա պարզապես բուժում է։ Այդպես եմ և ես»,-ասել է Գրիգորյանը։

Արամ Գրիգորյանն այստեղ տարօրինակ ոչինչ չի տեսնում։ «Ես ծնվել են Հայաստանում։ Ես գիտեմ եզդիների պատմությունը (Դեդ Հասանը եզդի է), և ինձ ավելի հեշտ է ստեղծագործել եզդիների կանոններով»,-ասել է Գրիգորյանը։

2009թ.-ին նա արդեն հոբելյանական մեդալ պատրաստել է Դեդ Հասանի պատկերով։ «Ասացին, որ նա շատ է հավանել։ Դրանից հետո նա ցանկանում էր հանդիպել ինձ հետ»,-պատմել է քանդակագործը։

Քանդակագործը նշել է, որ երկու էսքիզ է պատրաստել, որոնք արդեն ուղարկել է Ուսոյանի հարազատներին։
 Դրանցից մեկը, համաձայն նախագծի, լինելու է 3.5 մետր։ Պատկերված է լինելու Ասլան Ուսոյանը՝ ոտքից գլուխ, աստղ, որի առջև խոնարհվում են եզդիները, հրեշտակ, որը ողբում է Ուսոյանի մահը, և երկու «գողական» աստղեր, որոնք ցույց են տալու Ուսոյանի կապը քրեական աշխարհի հետ։

Երբ Ուսոյանի մերձավորները հաստատեն նախագծերը, հայ քանդակագործը կսկսի աշխատանքը։