Ամերիկյան կինոակադեմիան սկսել է քվեարկել «Օսկար» մրցանակների հավակնորդների համար

Ամերիկյան կինոակադեմիայում սկսվել է «Օսկար» մրցանակների հավակնորդների վերջնական քվեարկությունը, որի հետևանքով հայտնի կդառնան մրցանակակիրները, հայտնում է Известия-ն:

Այդ կառույցի 5 865 անդամներն իրենց կարծիքը կհայտնեն մինչև փետրվարի 19-ը:

Այս տարի առաջին անգամ մասնագետների համար հնարավոր է դարձել նաև քվեարկություն ինտերնետով: Քվեարկել հնարավոր է Լոնդոնում, Նյու Յորքում, Լոս Անջելեսում:

Այս կամ այլ կերպ մասնագետները կքվեարկեն 24 անվանակարգերի համար, իսկ մրցանակների հանձնման հանդիսավոր արարողությունը կկայանա փետրվարի 24-ին: «Օսկար»-ի 85-րդ հոբելյանական մրցանակաբաշխությունը կհեռարձակվի աշխարհի 225 երկրներում: