Տերաբայթ վայրկյանում. ամերիկյան գիտնականները գրաֆենային անտենա են ստեղծել ապագայի անլար կապի համար

ԱՄՆ Ջորջիա նահանգի Տեխնոլոգիական (Georgia Tech) համալսարանի գիտնականներն անլար կապի գրաֆենային անտենայի ստեղծման վրա են աշխատում, որը հնարավորություն կտա տեղեկությունների փոխանակման տերաբիտանոց կապ ապահովել, հաղորդում է CNews.ru-ն:

Գիտնականները խոստանում են անտենան ավարտին հասցնել մեկ տարվա ընթացքում, ապա դրան մյուս կոմպոնենտները ավելացնել:

Սակայն, դեռևս հաղորդման մոտ 1 Տբիտ/վ արագություն հնարավոր կլինի ստանալ գրաֆենային անտենայի միջոցով փոխանակվող սարքերի միջև մեկ մետր հեռավորության պարագայում: Նման արագությունը, օրինակ, հնարավորություն կտա բարձր որակով մոտ 10 ֆիլմ հաղորդել մեկ-երկու վայրկյանում: Սակայն ավելի մոտ տարածության վրա` մի քանի սանտիմետր, տեղեկությունների փոխանցումը կարող է հասցվել 100 տերաբայտ վայրկյան արագության:

Georgia Tech-ի գիտնականների խոսքով, նման անտենա ստեղծելու համար, անհրաժեշտ է 10-ից 100 նմ լայնության և 1միկրոմետր երկարությամբ նեղ գրաֆենային ձողիկներ պատրաստել, որը հնարավորություն կտա տվյալների փոխանցում իրականացնել տերահերցային հաճախականությամբ:

Էլեկտրամագնիսական ալիքները տերահերցային հաճախականության դեպքում կհանգեցնեն պլազմային ալիքների գոյացմանը (ատոմների տատանում գրաֆենային ձողիկների մակերևույթին), որը հնարավորություն կտա հաղորդել և ստանալ տեղեկություններ:

Միևնույն ժամանակ, անտենան ինքն իրեն չի կարող աշխատել: Այն կախված է շատ այլ բաղադրիչներից` գեներատորներից, դեդեկտորներից, ուժեղացուցիչներից և ֆիլտրերից: Այդ ամենը պետք է ստեղծել նույն մասշտաբով և ստիպել աշխատել համանման արագություններով, որ լիարժեք սարք ստացվի, ընդգծում են գիտնականները: