Թբիլիսիում ավարտվել է կովկասյան ֆիլմերի փառատոնը

Թբիլիսիում ավարտվել է կովկասյան ֆիլմերի փառատոնը, հայտնում է apsny.ge-ն։ Հանդիսատեսը գնահատել է Հայաստանից, Ադրբեջանից, Վրաստանից և Ռուսաստանից ներկայացված ֆիլմերը։

 

Փառատոնի փակմանը հյուրերին ցուցադրվել է Միխայիլ Կալատոզովի «Սվանեթիի աղը» վավերագրական ֆիլմը։ Կալատոզովը ֆիլմը նկարահանել է դեռևս 1930թ.-ին, սակայն վրացի հանդիսատեսին այն ցուցադրվել է միայն այժմ։

 

Փառատոնի համակարգող Տինատին Լագիձեն հայտնել է, որ միջոցառման նպատակն արվեստն առանց սահմանների ներկայացնել է։

Ցուցադրություններն անցկացվել են Թբիլիսիի գրականության թանգարանում։

Փառատոնը ստեղծվել է Կովկասի կինոռեժիսորներին և դերասաններին աջակցելու նպատակով։