Ստամբուլը թիթեռի թևերի վրա. թուրք նկարիչը փոքր «գլուխգործոցներ» է ստեղծում չորացած միջատների վրա (լուսանկարներ)

Թուրք նկարիչ Հասան Քալը ստեղծագործելու յուրահատուկ տարբերակ է ընտրել։ Ինչպես նշում է Daily Mail-ը, 53-ամյա տղամարդը ճերմակ կտավի փոխարեն նախընտրում է ստեղծագործել չորացած թիթեռների, խխունջների պատյանների և նույնիսկ մակարոնի վրա։ 

Նկարիչը պատմել է, որ բացի այս, կարողանում է նույնպիսի հմտությամբ ստեղծագործել դդմի սերմի, շաքարի կտորի, կիտրոնի կեղևի և բրնձի հատիկի վրա, ինչը նրանից մեծ համբերություն և ժամանակ է տանում։

Այս թիթեռին ուշադիր նայելու դեպքում կարելի է տեսնել Ստամբուլի գեղեցիկ տեսարաններից մեկը. թռչունները ճախրում են մինարեթների վերևում, իսկ ճերմակ հագուստներ հագած տղամարդիկ նավերով անցնում են գետը։