Հիլարի Քլինթոնի հեղինակած գիրքը լույս կտեսնի 2014թ.

ԱՄՆ նախկին պետքարտուղար, 2016թ. տեղի ունենալիք նախագահական ընտրությունների պոտենցիալ թեկնածու Հիլարի Քլինթոնը պայմանագիր է կնքել Simon & Schuster հրատարակչական ընկերության հետ՝ պաշտոնավարման իր տարիների փորձի վերաբերյալ գիրք գրելու վերաբերյալ։

Ինչպես նշում է CNN-ը, գիրքը լույս կտեսնի 2014թ., սակայն ինչ վերաբերում է գործարքի ֆինանսական կողմին, ապա որևէ մանրամասն չի հրապարակվել։

Հայտնի է դարձել, որ նոր գրքում Քլինթոնն ընթերցողների հետ կկիսվի պետքարտուղարի պաշտոնում ընդունած կարևորագույն որոշումների պատմությամբ, ինչպես նաև  ուշագրավ մանրամասներ կներկայացնի նախագահ Բարաք Օբամայի հետ համատեղ աշխատանքի և մարդկային փոխհարաբերությունների վերաբերյալ։ 

Քլինթոնն իր նախկին գրքի ՝ Living History-ի («Ապրող պատմություն») դիմաց ստացել է 8 մլն դոլար։