Եղանակն՝ այսօր
Քաշաթաղում պատմամշակութային շատ կոթողներ պահպանման կարիք ունեն. ահազանգ
Արցախի Քաշաթաղի շրջանի «Մերան» պաշտոնաթերթի գլխավոր խմբագիր Զոհրապ Ըռքոյանը այսօր լրագրողների հետ հանդիպման ժամանակ բարձրաձայնեց, որ Քաշաթաղի շրջանում գտնվող մի շարք պատմամշակութային կոթողներ այսօր բարվոք վիճակում չեն և պահպանության կարիք ունեն:
«Շրջանում կան հազարավոր պատմական հուշարձաններ, որոնք ամենալավ վավերագրերն են տարածքը հայկական լինելու մասին, և մեր պահանջն է, որ գոնե ամրացվեն դրանք, բայց հիմա ոչինչ չի արվում»,- ասաց նա։
Առավել վատ վիճակում գտնվող հուշարձաններից Զոհրապ Ըռքոյանն առանձնացրեց Մկնատամի խաչը, 9–րդ դարից պահպանված Վարազգոմի վանքը, որոնք բացառիկ կառույցներ են և պետք է վերականգնվեն:
«Պետք է գոնե ամրացվեն այդ շինությունները, բացի դրանից կան 18–րդ դարի եկեղեցիներ, որոնք նույնպես ունեն նորոգման կարիք»,–ասաց նա և ավելացրեց, որ կան նաև ժայռափոր եկեղեցիներ, որոնց համար ընդամենը փոքր ծավալի ներդրումներ են պետք:
Studio One