Շվեյցարական նվագախումբը հրաժարվել է ելույթ ունենալ Դեպարդյոյի հետ

Շվեյցարիայի Լյուցերն քաղաքի նվագախումբը չեղյալ է համարել ֆրանսիացի դերասան Ժերար Դեպարդյոյի հետ ելույթը, հայտնում է Лента-ն՝ վկայակոչելով խմբի կայքը։

Ինչպես մեկնաբանել են նվագախմբի ներկայացուցիչները, երաժիշտները վախեցել են, որ Դեպարդյոյի շուրջ տեղի ունեցած սկանդալը կարող է բացասաբար անդրադառնալ խմբի և միջոցառման հեղինակության վրա։

Նշվում է, որ որոշումը կայացվել է ֆրանսիացի դերասանի մենեջերի հետ համատեղ։

Կազմակերպիչները նշել են, որ կվերադարձնեն գնված տոմսերի գումարները։

Շվեյցարական նվագախումբը և Դեպարդյոն պատրաստվում էին համատեղ ելույթ ունենալ Լյուցերնում ռուսական երաժշտության 2-օրյա համերգների շրջանակում, որը պետք է կայանար մայիսի 25-ին։