Դուբայում կանցկացվեն Fashion Forward մերձավորարևելյան նորաձևության օրեր

Մերձավորարևելյան երկրների մոդելավորողներն ու դիզայներները կմասնակցեն Fashion Forward առաջին նորաձևության փառատոնին, որը կանցկացվի Դուբայում ապրիլի 26-29-ը, հայտնում է РИА Новости-ն։

Արաբական Միացյալ Էմիրություններում (ԱՄԷ) բարձր նորաձևության օրերի կազմակերպիչների մտահղացմամբ՝ Դուբայը մոտ ժամանակում պետք է դառնա Մերձավոր Արևելքի շրջանում այդ ոլորտի կենտրոնը։

«Մենք ապրում ենք մի շրջանում, որը նորաձևության աշխարհում ամենախոշոր սպառողներից  է, սակայն մենք ցանկանում ենք ակտիվ մասնակցություն ցուցաբերել այս ոլորտի զարգացման հարցում»,- ասել է փառատոնի գործադիր տնօրեն Բոնգ Գերերոն։

Փառատոնը ներառում է մերձավորարևելյան նորաձևության ծագող աստղերի հավաքածուների ցուցադրություն, զարդերի ցուցադրություն-վաճառք, ինչպես նաև քննարկումներ ԱՄՆ-ի, Իտալիայի և Ֆրանսիայի նորաձևության ոլորտի համաշխարհային փորձագետների հետ։