Մահացել է իտալացի հայտնի դիզայներ Օտավիո Միսոնին

Իտալիայի Վարեզե շրջանում 92 տարեկանում մահացել է հայտնի իտալացի դիզայներ, Missoni նորաձևության տան հիմնադիր Օտավիո Միսոնին, հայտնում է pravda.ru-ն։

Միսոնին ծնվել է 1921թ. փետրվարի 11-ին։ Երիտասարդ տարիքում նա ակտիվորեն զբաղվել է սպորտով և նույնիսկ մասնակցել է 1948թ. լոնդոնյան Օլիմպիադային, որտեղ հասել է մինչև եզրափակիչ՝  արգելապատնեշներով մինչև 400 մետր վազքի մրցումներում։

1953-ից սկսվում է Missoni նորաձևության տան պատմությունը։ Առաջին խանութը բացվել է Միլանում 1976-ին։